ព្រាប សុវត្ថិ ស្ងាត់ៗចេញបទទោលថ្មីទៀត ភ្លេង ក្បាច់រាំឡូយទាំងព្រម

2021-08-20 21:18:35
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ព្រាប សុវត្ថិ គេមើលឃើញថា មមាញឹកខ្លាំងកាលពីរដូវបុណ្យចូលឆ្នាំខ្មែរកន្លងទៅជាមួយស្រីតូច តន់ ច័ន្ទសីម៉ា ប៉ុន្តែសម្រាប់បទទោលវិញ ហាក់ស្ងប់ស្ងាត់មួយរយៈហើយ ដោយទើបតែចេញមួយថ្មីប៉ុន្មានម៉ោងមុននេះ។

បទចម្រៀងរបស់ តារាចម្រៀងរៀមច្បងរូបនេះ មានចំណងជើងថា "I am a Farmer” ដែលមានរសជាតិប្លែក ពោលគឺ បទភ្លេងពីរោះ ក្បាច់រាំក៏ឡូយ មិនលោតហក់ខ្លាំងពេកនាំហត់ ប៉ុន្តែមួយៗតែជួកចិត្ត ជាប់អារម្មណ៍។

បទចម្រៀងមួយនេះ ត្រូវបានអ្នកគាំទ្រសរសើរថា សមគ្រប់យ៉ាង និងលើកសរសើរថា លោក ព្រាប សុវត្ថិ ត្បិតតែមានវ័យច្រើន ប៉ុន្តែនៅតែមានសក្ដានុពលខ្លាំងតែម្ដង។ "ព្រាប សុវត្ថិជាកំពូលតារាចម្រៀងគ្មានពីរ ក្នុងចិត្តខ្ញុំ"។ នេះជាសំដីរបស់ប្រិយមិត្តម្នាក់ ក្នុងចំណោមជាច្រើននាក់ដែលបានពោលសរសើរតារារៀមច្បង។